კათედრალის შესახებ

სავარდის ლოცვა კრეალოსანზე ერთობლივად აღევლინება ყოველ კვირა დღეს წმინდა წირვის წინ. ასევე მაისისა და ოქტომბრის თვეებში ყოველდღიური წირვების წინ.

ყოველ ხუთშაბათს წირვის შემდეგ აღევლინება ყოვლადწმინდა ევქარისტიის თაყვანისცემა (ადორაცია) ორღანის მშვიდი და ჩუმი მუსიკის ფონზე, რომელიც გრძელდება 19.30 საათამდე.

დიდმარხვის დროს ყოველ პარასკევს საღამოს წირვის ნაცვლად აღევლინება „ჯვრის გზა“. დასაწყისი 18.00 საათზე.

ვისაც სურს ნათლობის, პირველი აღსარების, პირველი ზიარების, ჯვრისწერის (ქორწინების) საიდუმლოებების მიღება, გთხოვთ ინდივიდუალურად გაესაუბროდ წინამძღვარს.

ჩვენს ტაძარში სავარდის ლოცვა კრეალოსანზე ერთობლივად აღევლინება ყოველ კვირა დღეს წმინდა წირვის წინ. ასევე მაისისა და ოქტომბრის თვეებში ყოველდღიური წირვების წინ. გეპატიჟებით ამ ერთობლივ ლოცვაზე, რადგანაც როგორც იესო ამბობს სახარებაში: „ითხოვეთ და მოგეცემათ; ეძებეთ და იპოვით; დააკაკუნეთ და გაგეღებათ. ვინაიდან ყოველი, ვინც ითხოვს - ღებულობს, ვინც ეძებს - პოულობს და ვინც აკაკუნებს - გაეღება.“ (მათე 7, 7-8)

ამის გარდა ინდივიდუალურად შეგიძლიათ მობრძანდეთ ტაძარში და ნებისმიერ დროს სავარდის მეშვეობით შეევედროთ ღმერთსა და ღვთისმშობელ მარიამს თქვენი თხოვნები.

ყოველ კვირა დღეს, წირვის შემდეგ ყოველთვის არის ახალგაზრდების შეხვედრა წინამძღვართან. ყველა ახალგაზრდას, ვისაც აქვს სურვილი გაიღრმავოს რწმენა, ვისაც აწუხებს სხვადასხვა ცხოვრებისეული თუ სულიერი პრობლემები და ეძებს პასუხს ამა თუ იმ კითხვაზე, მობრძანდით ამ შეხვედრებზე და ჩვენ ერთად ვეცდებით გამოვნახოთ პასუხი ეკლესიის სწავლების მიხედვით.